Njësiti Rajonal për Hetimin e Krimeve Ekonomike dhe Korrupsionit në bashkëpunim me Prokurorinë Themelore në Prishtinë sot pas shumë veprimeve hetimore, kanë arrestuar katër persona për keqpërdorim të detyrës zyrtare.
“Personat e dyshuar me iniciale (deri sa ishin në pozita, tani nuk i ushtrojnë ato pozita), R. B. (Kryesues i Bordit të Drejtorëve të NPL “Trafiku Urban”), L. R. (Kryeshef i NPL “Trafiku Urban”), F. T. (Sekretar në NPL “Trafiku Urban”) dhe V. K. (Menaxher në një auto-sallon), kanë arritur që përmes marrëveshjeve dhe koordinimeve në mes vete, veturën që ka qenë në pronësi të kryesuesit, ta shesin fillimisht në një auto-sallon dhe pastaj përmes procedurave tenderuese ta blejnë të njëjtin për nevojat e NPL “Trafikut Urban” në vlerë prej disa mijëra euro me shtrenjtë se vlera reale”, thuhet në njoftim.
Me koordinim të prokurorit kujdestar dy nga të dyshuarit janë dërguar në mbajtje, kurse dy të tjerë janë liruar në procedurë të rregullt.
Përndryshe, sot janë arrestuar edhe 48 zyrtarë të Policisë së Kosovës dhe 2 të Doganës për vepra penale marrje ryshfeti e keqpërdorim i detyrës.
