Komiteti i Parlamentit Evropian për Liritë Civile, Drejtësi dhe Çështjet e Brendshme (LIBE), do të votojë edhe njëherë sot për liberalizimin e vizave për Kosovën.
“Miratimi i draft-rekomandimit në lexim të dytë” është në rendin e ditës sot në komitet.
Votimi pritet të ndodhë në ora 12:30.
Teksa për liberalizimin e vizave do ta raportojë eurodeputeti holandez This Reuten.
Kujtojmë se më 9 mars, Këshilli i Ministrave të BE-së ka miratuar në lexim të parë propozimin për lëvizjen pa viza për qytetarët e Kosovës. Procedura e radhës u bart në Komisionin për Liritë Civile, Drejtësinë dhe Çështjet e Brendshme (LIBE) për një votim të sërishëm.
