Në një konferencë për medie, të mbajtur nga Prokuroria, Policia dhe IKP, u tha se në mesin e 50 të arrestuarve janë dy togerë policorë, 5 rreshterë dhe dy oficerë doganorë.
Kushtrim Hodaj, drejtor i Inspektoratit Policor të Kosovës, tha se arrestimi i ka paraprirë hetimi një vjeçar.
Ai ka thënë se zyrtarët e arrestuar kanë qenë të përfshirë në 400 veprimtari të marrjes së ryshfetit, transmeton teve1.info.
“Në kuadër të hetimit janë përdorur masa të fshehta të hetimeve. Nga 50 të arrestuarit, dy janë togerë policorë, 5 rreshterë dhe dy zyrtarë doganorë. Zyrtarët e arrestuar kanë qenë të involvuar në mbi 400 veprimtari të marrjes së ryshfetit”, tha Hoda.
Ai tha se ndaj të arrestuarve janë marrë masa konform ligjit për suspendim nga puna.
Lexo edhe
https://teve1.info/lajmet/lumezi-per-zyrtaret-e-arrestuar-ne-operacionin-pika-disa-jane-ne-arrati/
