Përmes një postimi në Facebook, Haxhiu thotë se në të kaluarën institucionet e drejtësisë dhe sigurisë nuk janë lënë të veprojnë, teksa në shumë raste “ekzekutivi ka qenë pengesa kryesore në luftën ndaj krimit të organizuar dhe korrupsionit”.
“Në të kaluarën institucioneve të sigurisë dhe drejtësisë nuk i janë lënë duart e lira për veprim. Në shumë raste ekzekutivi ka qenë pengesa kryesore në luftën ndaj krimit të organizuar dhe korrupsionit. Sot, kemi ende sfida mirëpo kemi vullnetin e hekurt për ta bërë vendin e jetueshëm për qytetarët. Përshëndes aksionin e përbashkët të institucioneve për luftimin e krimit të organizuar dhe korrupsionit! Mbështetja e qeverisë tonë në raste të tilla është e parezervë!”, shkroi Haxhiu.
Ndryshe, paraditen e së hënës, IPK së bashku me Agjencinë Kosovare të Inteligjencës, Doganën dhe Policinë e Kosovës dhe Prokurorinë Speciale janë duke zhvilluar operacionin “Pika” në Gjakovë e Prizren.
Sipas komunikatës së IPK-së, gjatë këtij operacioni do të arrestohen dhjetëra zyrtarë policorë si dhe ata doganorë./teve1.info/.
