Janë lënduar pesë qytetarë nga një aksident në mes të dy veturave në lagjen Veternik, raporton teve1.info
Sipas zëdhënëses së Policisë për Rajonin e Prishtinës, Flora Ahmeti, aksidenti është raportuar rreth orës 8:00 të mëngjesit, derisa me rastin po merret njësiti i trafikut.
“Rreth orës 08:00 kemi pranuar informatën se në lagjen Veternik në Prishtinë, ka ndodhur një aksident trafiku me lëndime.
Në këtë aksident kanë qenë të përfshira dy automjete.
Si pasojë e aksidentit lëndime trupore kanë pësuar pesë persona. Me rastin po merret njësiti i trafikut”, tha Ahmeti.
