Ministrja e Punëve të Jashtme, Olta Xhaçka, ka mirëpritur vendimin e Ministrave të Brendshëm të Bashkimit Evropian, të cilët miratuan sot vendimin për liberalizimin e vizave për Kosovën.
Xhaçka shpreson që pas vonesës së gjatë, procesi të përmbyllet sa më shpejt që kosovarët të lëvizin lirshëm.
“Mirëpresim vendimin e Këshillit të Drejtësisë dhe Punëve të Brendshme të BE që i hap rrugë liberalizimit të vizave për Kosovën. Le të shpresojmë që pas një vonese kaq të gjatë dhe të pajustifikuar procesi të përmbyllet sa më shpejt dhe qytetarët e Kosovës të mund të lëvizin lirshëm në zonën Shengen”, ka shkruar ajo në Twitter.
Welcome the decision of the JHA Council that paves way for visa liberalization for #Kosova 🇽🇰. Let us hope that after such a long & unjustified delay the process will conclude as soon as possible and the people of #Kosova will be able to move freely in the #Schengen area.
🇦🇱🇪🇺🇽🇰 pic.twitter.com/7yLESHEcz5— Olta Xhaçka🇦🇱 (@xhacka_olta) March 9, 2023
Ministrat e Brendshëm të Bashkimit Evropian miratuan sot vendimin për liberalizimin e vizave për Kosovën në takimin e Këshillit të Punëve të Brendshme në Bruksel.
