Deputeti i PDK-së, Ferat Shala, ka deklaruar se partia që ai e përfaqëson është kundër rritjes së tarifave të energjisë elektrike në Kosovë, raporton teve1.info
Ai këto shqetësime i ka ngritur pas paralajmërimit se do të rritet çmimi i rrymës për 14 për qind nga ana e Zyrës së Rregullatorit të Energjisë.
Sipas tij, kjo do të ishte e papërballueshme për qytetarët.
“Ngrehim shqetësimet tona për ngritjen e tarifave për 14 për qind nga ZRrE. Ne si PDK jemi kundër kësaj për shkak të gjendjes jo të mirë ekonomike të vendit. Për shkak të rënies së fuqisë punëtore. Kjo është e papërballueshme dhe nuk duhet të ndodh”, ka thënë Shala.