Policia i ka arrestuar tre persona të kërkuar me urdhëresë të gjykatës kompetente, në Rajonin e Mitrovicës, raporton teve1.info
Sipas komunikatës së Policisë, dy të kërkuar meshkuj me shtetësi të Kosovës janë arrestuar në Vushtrri.
“ Rr. Ismet Haliti, Vushtrri 06.03.2023 – 08:30. Në bazë të urdhëresës së lëshuar nga Gjykata Themelore në Mitrovicë-dega në Vushtrri, është arrestuar i kërkuar mashkull kosovar, dhe është dërguar në vuajtje të dënimit.
Smrekonicë, Vushtrri 06.03.2023 – 16:00. Në bazë të urdhëresës së lëshuar gjykata, është arrestuar i kërkuar mashkull kosovar, dhe është dërguar në vuajtje të dënimit”, ka njoftuar Policia përmes komunikatës për medie.
Ndërsa i dyshuari tjetër është arrestuar në Mitrovicë.
“Rr. Bislim Bajgora, Mitrovicë 06.03.2023 – 14:30. Në bazë të urdhëresës së lëshuar nga Gjykata Themelore në Mitrovicë-dega në Vushtrri, është arrestuar i kërkuar mashkull kosovar, dhe është dërguar në vuajtje të dënimit”, thuhet në komunikatën e Policisë.
