Kryeministri i Kosovës, Albin Kurti ka reaguar pas aksidentit të rëndë në Greqi, të përplasjes së dy trenave, ku deri më tani raportohet se numri i viktimave ka shkuar në 36.
Kurti ka shprehur ngushëllime për familjet e viktimave, ndërsa të lënduarve iu ka uruar shërim të shpejtë.
Sipas tij, Kosova qëndron me Greqinë.
“Është zemërthyer të zgjohesh me lajmin për përplasjen e tmerrshme të trenit në Greqinë qendrore mbrëmë. Ngushëllimet e mia më të sinqerta për familjet e viktimave. Të lënduarve u uroj shërim të shpejtë dhe të plotë. Kosova qëndron me Greqinë gjatë kësaj tragjedie dhe populli i Greqisë është në mendimet dhe lutjet tona”, ka shkruar Kurti.
Ka arritur në 36 numri i të vdekurve në një aksident hekurudhor të ndodhur në Greqi në mes të dy trenave në orët e vona të së martës. /Teve1.info/