Kryeredaktor i Tëvë1, ZIjadin Gashi ka thënë se fakti që palët janë pajtuar për propozimin evropian, nuk do të thotë se kryeministri Kurti e ka pranuar Asociacionin e Komunave me shumicë serbe.
“Në fakt është një vazhdimësi e asaj që është diskutuar tash e sa vjet për Asociacionin. Por Kurti ndodhet në finalen e madhe kur duhet të zbatojë Asociacionin e nënshkruar më 2013, por tash ky Asociacion duhet ta merr një formë. Kur një Qeveri nënshkruan një marrëveshje ndërkombëtare përderisa nuk ka shfuqizim ajo mbetet në fuqi dhe ndoshta në këtë rast nuk ka rëndësi individi por shteti që përfaqëson. Tash ngjashëm me këtë planin evropian i cili në parim është i miratuar nga të dy palët, edhe Asociacioni është një prej pikave, por sikurse plani i zbatimit që do që do të jetë një lloj operacionalizimi i planit evropian, duhet të ketë edhe një lloj statuti që tregon se çfarë Asociacioni duhet të formohet”, ka thënë ai në Këndin e Debatit në Tëvë 1.
“Jemi diku në mes të procesit. Jo vetëm për Asociacionin, por nuk mund të vendosim edhe një titull se u arrit një marrëveshje Kosovë – Serbi”, ka shtuar ai.