Deputetët e Kuvendit të Kosovës me një minutë heshtje i kanë nderuar të gjitha viktimat e shkaktuara nga agresioni rus ndaj Ukrainës, në njëvjetorin e luftës, raporton teve1.info
Kryetari i Kuvendit, Glauk Konjufca tha se Kosova qëndron pranë popullit të Ukrainës dhe nuk ka dyshim se Ukraina do ta fitoj këtë luftë të drejtë.
“Me mijëra veta janë vrarë nga makineria policore ushtarake ruse, në emër të Kuvendit në njëvjetorin e luftës së Ukrainës, të agresionit të paprovokuar rus, t’i nderojmë të gjitha viktimat e luftës që e humbën jetën nga ky agresion i Rusisë”, tha Konjufca.
