Një qytetar serb e ka kaluar ilegalisht kufirin dhe ka hyrë në Kosovë përmes fshatit kufitar me Serbinë, Bistricës, raporton teve1.info
Sipas raportit të Policisë, i njëjti kishte pas në veturë edhe 1 mijë e 200 zogj të pulave.
Lidhur me rastin, sipas Policisë është konsultuar prokurori dhe rasti ka kaluar në procedurë të rregullt.
“Bistricë-Sharpel 22.02.2023 – 19:00. Njësitë policore kanë ndaluar një veturë me drejtues të dyshuarin mashkull serb i cili ishte futur në territorin e Republikës së Kosovës duke iu shmangur pikë kalimeve të rregullta kufitare. Po ashtu në veturë janë gjetur rreth 1200 zogj të pulave. Në lidhje me rastin është konsultuar prokurori i shtetit i cili ka rekomanduar që rasti të procedohet në procedurë të rregullt”, thuhet në njoftimin policor.