Mbrëmjen e së mërkurës humbën jetën katër qytetarë dhe dy të tjerë u lënduan rëndë në një aksident në rrugën Ferizaj-Shtime, raporton teve1.info
Sipas Policisë së Kosovës, deri tek aksidenti kishte ardhur pasi njëra veturë e kishte humbur kontrollin dhe kishte kaluar në kahun e kundërt, duke i goditur dy vetura tjera.
Sipas raportit 24-orësh të Policisë së Kosovës, të lënduarit janë dërguar për trajtim mjekësor në QKUK kurse me rastin po merret prokurori.
“Rr. Ferizaj-Shtime 22.02.2023 – 19:15. Ka ndodhur aksident trafiku në mes të tri veturave me targa vendore, deri te aksidenti dyshohet se ka ardhur kur drejtuesi i njërës nga veturat për arsye deri më tani të pa njohura, humb kontrollin mbi veturë dhe godet dy veturat tjera të cilat ishin duke lëvizur në drejtim të kundërt. Nga ekipi mjekësor në vendin e ngjarjes është konstatuar se tre viktima meshkuj kosovarë janë pa shenja jete, ndërsa tre të lënduar tjerë janë dërguar në emergjencën e Ferizajt, ku më pas ka ndërruar jetë edhe viktima e katërt mashkull kosovar ndërsa dy të lënduarit e tjerë janë dërguar në QKUK Prishtinë për tretman të mëtutjeshëm mjekësor. Në vendin e ngjarjes ka dalë edhe prokurori i shtetit”, thuhet në njoftimin e Policisë.