Në rrënojat që i shkaktoi tërmeti, e bënë të pamundurën që të shpëtonin jetë njerëzish.
Shoqata e Kosovës për Kërkim Shpëtim për shtatë ditë më radhë kërkuan nën gërmadha me shpresën për të gjetur njerëz të gjallë.
E të enjten ata u kthyen në vendlindje.
Mes emocioneve e lotëve ata u pritën nga familjarët e tyre.
Nebih Svirca ka treguar për Tëvë1 momentin se si arritën të i shpëtonin dy persona në Hataj.
Por, si e kuptuan që 3-vjeçarja dhe 26-vjeçarja ishin akoma gjallë?
“Ne kemi treguar vetën kush jemi në aq sa kemi pas mundësi ne kemi intervenuar shpëtim jetë na ka rënë rasti me asistua një vajzë 26-vjeçare dhe rasti tjetër ka qenë i vajzës 3-vjeçare, ajo na ka kthyer pak shpresën pas gjithë atij rrugëtim që kemi takuar vetëm të vdekur gjatë tërë kohës, mirëpo ajo ka qenë një rast kur e kanë qitë një fëmije në rrugë për të vdekur e kanë futë në qese e xhenazeve dhe për një momente një ushtarak turk e ka hap dhe e ka pa një lot të vajzës krejt ajo ka bërë që ne të intervenojmë”, tha ai.
Ata treguan edhe për gjendjen e vendeve që u goditën nga tërmeti shkatërrues.
Murat Malokun nga Shoqata e Kosovs për Kërkim Shpëtim, doli për ta pritur në aeroport babai i tij. Ai u shpreh shumë krenar për të birin.
Kjo eksperiencë, sipas Ilir Gaxhës pjesëtar tjetër i Shoqatës për Kërkim-Shpëtim, i bëri që të ndjehen krenar edhe për shtetin që e përfaqësuan.
“Kemi dëshmuar që jemi popull i vogël por më zemërt ë madhe mundem më jep shumë, ne jemi krenuar më vendin që kemi përfaqësuar, faleminderit për mbështetje nuk na ka marrë mendja që kemi me përfaqësu vendin kështu”, u shpreh Gaxha.
Për t’i falënderuar djemtë nga Kosova, në aeroport doli edhe ambasadori turk në Kosovë Tunç Angılı.
“Në këtë kohë të vështirë për ne, Kosova jonë mike na e zgjati dorën e ndihmës. Kjo do të thotë shumë për ne. Si nga ana materiale ashtu edhe emocionale. Ekipet e shpëtimit nga Kosova punuan në kushte të vështira. Ata i shpëtuan dy jetë. Një prej tyre një fëmijë tre vjeç”,
Tërmeti me magnitudë prej 7.8 ballësh goditi Turqinë dhe Sirinë më 6 shkurt, si pasojë mbetën të vdekur dhjetëra mijëra persona.
Kronika e gazetares Doresa Geci.
