Deputeti i vetëvendosjes, Haki Abazi, tha se kryeministri Albin Kurti ka dhënë urdhër për shkarkimin tij nga pozita e kryesuesit të Komisionit për Punë të Jashtme si dhe ai për Stabilizim Asociim, pasi siq tha, frikësohet se do të bëhet pjesë e atyre që duan ta rrëzojnë Qeverinë, raporton teve1.info
Abazi tha se personalisht nuk dëshiron ta rrëzoj Qeverinë Kurti, por shtoi se ka pakënaqësi me zhvillimin e brendshëm, duke shtuar se nuk ka liri të mendimit.
“Çështja kryesore është që Kurti mendon që unë do të hidhërohem shumë dhe bëhem pjesë e atyre që duan ta rrëzojnë nga Qeveria.
Dy vite pas marrjes së mandatit, Kurti është në kërkim të atyre që duan ta rrëzojnë nga Qeveria.
Unë kam thënë dhe e përsëris që unë nuk jam votë kundër Qeverisë Kurti dhe nuk do e bëjë Qeverinë Kurti viktimë për tu larguar.
Tani kemi këtë kombinacion: Opozita nuk mund ta rrëzoj Qeverinë, Grenelli nuk ekziston më, Escobar nuk është njeri që mund të krahasohet me Grenellin, asnjë interes të vetëm racional nuk e ka askush që ta rrëzoj. Eshët detyrë e opozitës por opozita nuk i ka votat. As unë e as një deputet me integritet nuk është i inetersuar që ta rrezoj Qeverinë Kurti”, tha ndër të tjera Abazi.
Abazi tha se vitin e kaluar ka bërë kërkesë edhe për formimin e komisionit hetimor për privatizim, e i cili tha se është ndaluar nga Dejona Mihajli.
“Nga shkurti i vitit të kaluar kam depozituar kërkesën për formimin e komisionit hetimor për privatizim, është ndaluar nga Dejona Mihajli. Arsyeja pse po e përmendi zonjën Mihajli është sepse në grupin e VV-së është duke vendosur mbi vullnetin e secilit deputet e cila vije pa asnjë legjitimitet. Zonja Mihajli nuk ka qenë pjesë e votimeve, e listës së deputetëve, garës por është njeri kryesor e cila kontrollon dhe menaxhon me grupin parlamentar dhe vendimmarrjen që e bënë aty”, tha Abazi.
Abazi tha se ka protestuar për 2 vite dhe gjithë këto janë heshtur duke mos u vendosur as në minutat e takimeve që janë mbajtur.
“Demokracia e Kosovës nuk mund të varet nga individ të autorizuar nga zoti Kurti që ata të udhëheqin debatin brenda Kuvendit. Ky është shqetësim shumë më i madh sesa urdhri për shkarkimin tim nga 2 pozitat”, tha Abazi.
