Sonte zhvillohet finalja e Kupës së Botës për Klube.Real Madrid do të përballet me skuadrën nga Arabia Saudite, Al Hilal.
Ky takim do të zhvillohet me fillim nga ora 20:00, me skuadrën fituese që do të shpallet Kampione e Botës për Klube.
‘Los Blancos’ kanë fituar trofeun e Kupës së Botës për Klube në katër raste. Futbollistët e Carlo Ancelottit shpresojnë të arrijnë në pesë. Hera e fundit që Real Madrid e fitoi turneun ishte katër vjet më parë.
Për sa i përket kundërshtarit të tyre Al Hilal, ata tashmë kanë krijuar histori duke arritur deri në finale në këtë turne. Ata janë skuadra e parë e Arabisë Saudite që paraqitet në finale.
