Sigal Prishtina ka arritur të kualifikohet në plejofin e ENBL League, ligë në të cilën u paraqit për herë të parë këtë sezon.
Kualifikimin e Prishtinës në plejof e mundësoi fitorja e Budivelnykut në xhiron e fundit të pjesës së rregullt ndaj Silauait të Lituanisë, pra realisht ekipi urkainas i ka bërë “nderë” ekipit historik kosovarë.
Dueli i luajtur të premten, përfundoi me triumfin e ekipit nga Ukraina me shifrat 88:73, për të mundësuar avancimin e Prishtinës më tej në këtë garë.
Fazën e parë në ENBL League, Prishtina e ka mbyllur me dy fitore e katër humbje në gjashtë ndeshje të luajtura.
Ka përfunduar e katërta në tabelë me tetë pikë të mbledhura.
Në këtë garë prestigjoze evropiane këtë vit, po luajnë dhe skuadra elitare polake, lituaneze, ukrainase, izraelite, çeke dhe estoneze.
Gjatë diëtve në vijim pritet të mësohet dhe kundërshtari I radhës I prishtinasve në këtë garë.