Me ndryshimin e qarkullimit në rrugën “Xhorxh Bush”, në Prishtinë, jo të gjithë qytetarët janë në dijeni.
Tash e sa javë, kjo rrugë është e lirë vetëm për qarkullimin e autobusëve, taksive e mjeteve të intervenimit.
E për shkelësit e rregullave, policia po kujdeset për dhënien e gjobave. E një të tillë së fundmi e mori edhe një bashkëatdhetare.
“Hyra këtu më ndalën dhe më thanë dënim, çfarë dënimi nuk e dita hiç se jetoj jashtë vendit po e paguajta menjëherë 20 euro”, thotë një qytetare.
Megjithatë kjo shenjë e vendosur në fillim të rrugës nuk po mjafton që ngasëesit e makinave të informohen.
E togeri i trafikut në qendër, Naim Latifi tregon se sa gjoba po shqiptohen gjatë një dite.
Tutje, Latifi thotë se automjetet që kalojnë në këtë rrugë janë me targa të qyteteve të ndryshme.
Në këtë rrugë, do të mund të kalojnë edhe mjetet për furnizimin e bizneseve që operojnë në këtë shesh, porse atë mund ta bëjnë vetëm para orës 7 të mëngjesit.
Kronika e realizuar nga gazetarja Lendrina Kodrolli.