Trendi i rritjes së çmimeve si ajo i energjisë, naftës e produkteve bazike ushqimore po vazhdon të jetë problem për qytetarët e vendit.
Së fundmi në vendin tonë dukshëm është rritur edhe çmimi i vajit.
Vetëm dje, një litër vaj është ngritur në 2.29, teksa sot disa qytetarë kanë publikuar fotografi në rrjete sociale se disa markete kanë rritur çmimin e këtij produkti në 3.49.
Kjo rritje enorme e çmimeve po shfaq shqetësim te qytetarët.
Gazetari, Zekrija Shabani në lidhje me këtë ka thënë se a ka ndonjë inspektor që kontrollon këto markete.
“Mashtrues! Çfarë u shtrenjtua në lenden e parë për prodhimin e vajit nga dje deri sot? Dje një litër vaj ishte 2.25 euro ndërsa sot 3.49 euro. A ka more inspektor në këtë vend???”, ka shkruar ai në një postim në Facebook.
Po ashtu, edhe Ehat Miftaraj nga IDK-ja ka reaguar për rritjen e çmimit të vajit për një ditë, nga 2.29 në 3.49.
Miftaraj përmes një postimi në Facebook, ka thënë se qytetarët në Kosovë po e paguajnë çmimin e lirisë, duke filluar nga çmimi i vajit.
“Në Ukrainë edhe pse luftë është e ndaluar rritja e çmimeve! Në Kosovë po e paguajmë çmimin e lirisë, duke filluar nga çmimi i vajit prej 3 Euro e 50 cent”, ka shkruar ai.
Sipas tij, shteti spektatorë dhe konstatues i gjendjes, përderisa qytetari e paguan faturën. /teve1.info/
