Kryetari i LDK-së, Lumir Abdixhiku thotë se data e sotme është datë e pranimit të Asociacionit nga kryeministri Albin Kurti.
Ai tha se Kurti deklaroi se themelimi i Asociacionit është i bëshëm me disa kushte, përcjell teve1.info
Sipas tij, tash e gjashtë muaj, Kurti po dialogun me presidentin serb, Aleksandar Vuçiq e nuk ka raportuar në Kuvend.
“Unë besoj që kjo datë e sotme e 2 shkurtit 2023, është datë e pranimit të Asociacionit nga kryeministrit i Kosovës. Nuk po them që është mirë a keq mos më keqkuptoni, unë po them që kryeministri i Kosovës tha që marrëveshja e vitit 2013 që është tani obligim ndërkombëtar për Kosovën, është e bëshme me disa kushte. Por e bëshme është. Dhe kushti thelbësor që besoj pse jemi pajtuar të gjithë është që ky Asociacion të jetë në përputhje me Kushtetutën e Kosovës. Pra kjo ka qenë garanca gjithmonë. Tani kryeministri foli për një marrëveshje, për një pikë numër dhjetë që se dimë, sepse besoni ose jo, tash e gjashtë muaj ky dialogon me Vuqiçin por asnjëherë nuk ka ardhur të raportojë në këtë Kuvend të Kosovës, me deputetët shqiptarë e jo shqiptarë”, deklaroi ai.
Abdixhiku shtoi se e ka mbështetjen e LDK-së për respektim të rendit kushtetues të Kosovës dhe përmbyllje të procesit të dialogut.
“Por eja raporto në Kuvend për marrëveshje finale sepse ke futur dialogun në qorrsokak”, potencoi ai. /Teve1.info/
https://teve1.info/lajmet/kurti-keto-jane-kushtet-tona-per-konsiderimin-e-pranimit-te-asociacionit/