Policia e Kosovës ka arrestuar të marrën mbrëma një person në Pejë, ndaj të cilit kishte urdhërarrest ndërkombëtar.
Ai dyshohet se ka qenë i përfshirë në një vrasje që kishte ndodhur vitin e kaluar në Shqipëri.
Lajmin për arrestimin e tij e kanë konfirmuar për teve1.info nga Prokuroria Themelore e Pejës.
“Mbrëmë nga puna operative është arritur të arrestohet një person (me urdhër arrest ndërkombëtar) i cili dyshohet se ka qenë i përshirë vitin e kaluar për një vrasje në Shqipëri. Me urdhër të prokurorit, i dyshuari Gj.K., është ndaluar për 48 orë, ndërsa brenda afatit ligjor ndaj tij do parashtrohet edhe kërkesa për caktimin e paraburgimit. Për procedurat e mëtutjeshme rreth këtij rasti ju lutem i drejtoheni Ministrisë së Drejtësisë”, ka thënë Shkodran Nikçi, zëdhënës në këtë prokurori.
Po ashtu ai ka bërë të ditur se është arrestuar edhe personi i cili e kishte ndihmuar që të strehohej në një fshat të Pejës.
Sipas medieve bëhet fjalë për Gjelosh Krasniqin, i dyshuar për një vrasje në “Kodrën e Diellit” në Tiranë në vitin e kaluar.
Personi i vrarë në tetorin e vitit të kaluar sipas medieve në Shqipëri është Briken Sanaj.
