Ambasadori britanik, Nicholas Abbott është larguar nga takimi i thirrur nga Ambasada amerikane në Prishtinë, ku po diskutohet për Asociacionin.
Këtë takim e ka lëshuar edhe shefi i Bashkimit Evropian në Kosovë, Tomas Szunyog.
Ndërkaq, ekipi i Teve1.info i cili po qëndron para ambasadës amerikane ka raportuar se të tjerët që ishin të thirrur në takim janë akoma brenda.
Në këtë takim po merr pjesë edhe ministri i Shëndetësisë, Arben Vitia, ministrja e Arsimit, Arbërie Nagavci nga Lëvizja Vetëvendosje, si dhe ministrja e Punëve të Jashtme, Donika Gërvalla.
Zyra e Kryeministrit do të përfaqësohet nga shefi i stafit të kryeministrit Albin Kurti, Luan Dalipi. Zyra e Kryeparlamentarit nga shefi i stafit të kryeparlamentarit Glauk Konjufca, Ilir Kërqeli. Ndërsa nga Presidenca, Blerim Vela.
Pjesëmarrjen gjithashtu e patën kanë konfirmuar zëvendëskryeministrja Emilja Rexhepi, e ministri për komunitete dhe kthim, Nenad Rashiq. /Teve1.info/
