Pas lajmërimit të rastit, nga policët hetues ka rezultuar se edhe më herët kjo e fundit kishte raportuar për dhunë në familje, raporton teve1.info.
“Dje, në ora 17:00 policia e stacionit në Ferizaj ka pranuar një informacion se në rrugën ‘’Ramadan Rexhepi ‘’ në Ferizaj ishte një rast i dhunës në familje. Në lidhje me këtë policët rendit e më pas policët hetues të Njësisë së Dhunës në Familje menjëherë i kanë marrë veprimet e nevojshme, kanë dalë në vendin e ngjarjes dhe kanë arrestuar personin N.M (M/K) i moshës 42 vjeçar, i cili shkak i një mosmarrëveshje kishte shkaktuar dhunë në familje ndaj bashkëshortes së tij D.M ( F/K) e moshës 29 vjeçare, e cila kishte pranuar tretman mjekësor në Qendrën Emergjente në Ferizaj dhe më pas kishte sulmuar edhe babën e saj. Policia të dyshuarin e ka shoqëruar në stacionin e policisë në Ferizaj dhe pas intervistimit nga policët hetues, rezulton se edhe me herët kishin të raportuara raste të dhunë në familje”, thuhet në komunikatën e policisë.
Derisa me vendim të prokurorit kujdestar nga Prokuroria Themelore në Ferizaj, 42-vjeçari është dërguar në mbajtje për 48 orë për procedura tjera hetimore.
Njëherit, rasti është cilësuar “dhunë në familje dhe sulm”./teve1.info/.
