Përmes një statusi në Facebook, Shala ka shkruar se kjo ka ndodh pas një vendimi që AKP kishte nxjerrë vitin e kaluar për uljen e pagave në këtë institucion.
Derisa sipas Shalës, me vendimin e Ministrisë së Financave, AKP gjatë vitit të kaluar ka realizuar pagat e njëjta.
“Ministri Hekuran Murati me vendim të veçantë i ndanë AKP-së 757.802 euro për paga dhe mëditje, për muajt Nëntor-Dhjetor 2022
Në vitin kur të gjithë ne pritnim shuarjen e AKP-së, Qeveria dhe bordi i AKP-së kishin nxjerr rregullore të re dhe kishin miratuar vendimin për uljen e pagave.
E vërteta del që AKP gjatë tërë vitit 2022 kanë realizuar pagat e njëjta, pa i zbritur ato fare.
Si rezultat i lojërave propagandistike, për dy muajt e fundit, heshturazi, AKP dhe Hekuran Murati ishin dakorduar që ky i fundit të ndajë edhe 757.802 euro, për të mbuluar vendimin e kontestuar për zvogëlimin e pagave të punëtorëve i nxjerr nga Bordi i AKP-së.
Bordi i AKP-së po vazhdon shitjen e aseteve nacionale, me të njëjtën metodologji, me të njëjtën praktikë, pa ndryshuar asgjë nga praktikat e kaluara”, ka shkruar Shala.
