Sipas Salihut, komisioni ka prezantuar si të përfunduar këtë projekt, por që sipas tij, është ende papërfunduar. Madje ai në emisionin “Ditari” në Tëvë1, prezantoi edhe disa fotografi të gjendjes së stadiumit.
“Tenderi i parë për këtë projekt ka qenë nëse nuk gaboj ka qenë 292 mijë euro. Ideja ka qenë që të përfundohet një stadium në bazë të një projekti që është prezantuar dhe përfundimisht komisioni të cilët janë të arrestuar kanë nënshkruar kinse stadiumi ka përfunduar dhe është i gatshëm për lojë, por ju e patë gjendjen në fotografi… 292 mijë euro ka qenë tenderi i parë e pastaj vlera dikun më falni nëse gaboj në numra por 118 mijë euro është hapur tenderi i dytë që ka qenë për të dy stadiumet në fshatin Magure dhe Dobraj. Dhe këtu si duket komisioni ka nënshkruar për punë të cilat nuk janë përfunduar dhe kjo është skandaloze. Për këtë arsye ne kemi kërkuar përgjegjësinë e kryetarit të Lipjanit”, tha ai.
Salihu tutje tha se pavarësisht që këtë çështje e kanë ngritur shumë herë në mbledhjet e Kuvendit në Lipjan, kryetari Imri Ahmeti asnjëherë nuk ka marrë përgjegjësi madje siç tha ai, Ahmeti është përgjigjur me arrogancë dhe ka thënë kinse opozita po ngritë akuza të pabaza.
Teksa theksoi se afërsia e Ahmetit me disa nga njerëzit që janë arrestuar e bëjnë të dyshojë se i pari Lipjanit është i përfshirë vet në këtë çështje.
“Një kryetar i komunës që ka përgjegjësinë e qytetarëve të Lipjanit ka qenë e pamundur të mos reagoj dhe kjo neve na bën të dyshojmë që ai është i përfshirë vet në këtë fakti që nuk ka reaguar që nuk është përgjigjur arroganca e tij dhe afërsia me disa nga njerëzit që janë arrestuar, neve na bënë të kuptojmë që kryetari është direkt i përfshirë. Dhe për këtë ne kemi kërkuar dorëheqjen e tij dhe arrestimin për shkak se nuk është rast i parë që po ndodhë me arrestime në Lipjan”, tha ai.
Ndryshe, Prokuroria Themelore në Prishtinë ka njoftuar dje se nëntë zyrtarë komunalë të Lipjanit janë arrestuar nën dyshimin se kanë kryer veprën penale të mashtrimit dhe keqpërdorim të pozitës zyrtare./ teve1.info./
