Hodaj thotë se kjo është e pritshme për shkak të kompleksitetit të rastit.
“Unë këtë e kam paraparë para një viti, që do të zgjasë më shumë se pesë vite. Këtë e kam bazuar në kompleksitetin e rastit, numrin e të akuzuarve, veprat penale që akuzohen dhe në praktikën e Tribunalit ndërkombëtar për ish-Jugosllavi dhe rastet e tjera penale ndërkombëtare, ku kanë zgjatur gjykimet nga dy vite, tri, pesë, dhjetë, 12..kështu që duke pasë parasysh kompleksitetin e këtij rasti dhe thuajse kjo Gjykatë është themeluar kryekëput për këtë rast, atëherë ky do të merr kohë”, tha ai në “Ditari” në Tëvë 1.
Në seancën e mbajtur sot në Hagë u bë e ditur se janë rreth 300 dëshmitarë, ndërsa Hodaj thotë se kjo është arsyeja pse ky proces merr kohë të konsiderueshme.
Teksa shtoi se nuk është e paraparë as me rregullore e as me Ligj se sa duhet të zgjasë një proces i tillë.
Sot, kreu i trupit gjykues, Charles Smith, ka bërë me dije se seanca tjetër përgatitore për rastin ndaj ish-krerëve të UÇK-së do të mbahet më 17 shkurt, ndërsa gjykimi të fillojë më 1 mars, nëse nuk ka rrethana përjashtimore. /Teve1.info/
