Ajo ka thënë se nuk mund ta shkarkojë një ambasador nga spekulimet e meidave, pasi ende nuk ka marrë konfirmim zyrtar nga shtetet ku ai dyshohet për përfshirje në skandal financiar se është duke u hetuar.
Gërvalla- Schwarz të hënën ka thënë se ka kërkuar njoftim zyrtar nga këto shtete (Sllovenia e Kroacia), nëse për këtë rast kanë filluar hetimet, por deri më tash nuk ka marrë ndonjë konfirmim.
“Kam kërkuar dhe vazhdoj të kërkoj që kur kanë nisur spekulimet kamë kërkuar informacione në rrugë zyrtare nga shtetet se raportimet a janë të vërteta apo janë spekulime të meidave të ndryshme. Ambasadori nuk shkarkohet për shkak të spekulimeve mediale. Unë nuk kamë as edhe një informacion të vetëm që ka ndodhur shkelje të tilla dhe se janë duke u kryer hetime. Jam në pritje të informacioneve zyrtare”, ka thënë ajo, shkruan teve1.info.
Diplomatja kosovare gjatë një konference për media me homologen sllovene, Fajon, tha se të hënën ka biseduar me telefon me ambasadorin Berishaj, i cili sipas saj, ka shprehur gadishmërinë për të mbajtur një konferencë për media në Prishtinë për të sqaruar të gjitha dyshimet e ngritura.
Ndërsa, ministrja e Jashtme e Sllovenisë, Tanja Fajon, nuk e ka komentuar rastin e ambasadorit të Martin Berishaj.
“Për çështjet që kanë të bëjnë dhe merret sistemi i drejtësisë, unë nuk do të komentoj”, ka thënë Fajon.
