Dy nga tre kamionët që kanë qenë të vendosur në barrikadën në Lagjen e Boshnjakëve janë hequr ndërsa ka mbetur vetëm edhe një kamion për largim.
Largimin e këtyre barrikadave e kanë bërë personat e maskuar që i kanë vendosur më parë ato.
Barrikadat e para në veri janë vendosura që nga data 10 dhjetor. Ndërkaq, largimi i tyre vjen pas thirrjeve të zyrtarëve serbë, pasi ish-polici Dejan Pantiq i akuzuar për terrorizëm nga paraburgimi është dërguar në arrest shtëpiak.
Barrikadat që kanë qenë të vendosura janë hequr edhe në fshatin Rudarë, teksa ajo rrugë është liruar për qarkullim.
Vendimin për heqjen e barrikadave në veri të Kosovës e ka mirëpritur KFOR-i si dhe Franca. Për largim të barrikadave ka reaguar edhe përfaqësuesi i Lartë i Bashkimit Evropian për Politikë të Jashtme e Siguri, Josep Borrell, i cili tha se dhuna nuk mund të jetë kurrë një zgjidhje. /Teve1.info/
