Ai ka thënë se ndërtimi i këtyre shtëpive do të përfundojë brenda vitit.
Krasniqi në emisionin “Info Nata” në Tëvë1, tha se këtë vit janë kryer të gjitha pagesat për ata qytetarë që kanë nisur ndërtimin e shtëpive në vitin 2019.
“Kemi përfunduar këtë vit pagesat për të gjithë personat që kanë filluar ndërtimin e shtëpive në vitin 2019, që për shkak të keqmenaxhimit nëse Prokuroria merret mund të gjejë prova për keqmeaxhim. Vitin e ardhshëm janë tre milionë euro për banim të qëndrueshëm në komunitet për ndërtimin e shtëpive për qytetarët që kanë nevojë nga radhët e komuniteteve”, ka thënë Krasniqi.
Ai ka folur edhe për punën që është bërë gjatë kësaj kohe prej që është ministër, ku ka përmendur investimet në infrastrukturë mbi 5 milionë euro dhe ndarjen e bursave për të gjithë studentët nga komunitet që studiojnë në universitete publike.
“Për më pak se dy vite qeverisje kemi mbi 5 milionë euro të investuara në infrastrukturë ku jetojnë komunitetet. Jemi fokusu që të jetë prioritet arsimi, përherë të parë secili studentë në radhët e komuniteteve në secilën vit, secilin drejtim pranon bursë nga shteti. Kjo është një nxitje e drejtpërdrejtë për studentët e komunitetit që vazhdojnë studimet e larta”, ka thënë Krasniqi.
Ai ka përmendur se Qeveria është duke e shqyrtuar mundësinë e hartimit të një Ligji për lëmosh-kërkuesit, ndërsa ka thënë se Ligji për Inspektor është në proces, ku parashihet edhe mundësia e dhënies së gjobës nga inspektori për një lokal për veprime të cilat konsiderohen raciste.