Këtë e ka bërë të ditur Komuna e Lipjanit përmes një njoftimi në Facebook.
Sipas njoftimit, përdorimi i tyre ndalohet në hapësirat publike të kësaj komune si dhe në zonat e banuara përveç në hapësirat e tregut të gjelbërt.
“Kryetari i Komunës së Lipjanit, Imri Ahmeti, ka marrë vendim që të ndalojë ndezjen e fishekzjarrëve dhe mjeteve piroteknike gjatë festave të fund vitit, në hapësirat publike të Komunës së Lipjanit si dhe në zonat e banuara përveç në hapësirën e tregut të gjelbërt që gjendet në rr. “Xhavit Kozhani”, në Lipjan”, thuhet në njoftim.
Nga Komuna e Lipjanit kanë thënë se “ndalimi i ndezjes së fishekzjarrëve dhe mjeteve piroteknike bëhet më qëllim të sigurisë së qytetarëve, mbrojtjes së ajrit dhe mjedisit në mbrojtjen e shëndetit të qytetarëve”. /Teve1.info/