Sipas saj, të gjitha ngjarjet edhe këto të fundit lidhen me vendosjen e barrikadave që kanë synim parandalimin e arritjes së marrëveshjes mes Kosovës dhe Serbisë, raporton Teve1.info
“Kemi të vetëdijshëm dhe dëshmitarë se gjatë këtij procesi ka pasur ngecje për shkak të mungesës së vullnetit të Serbisë për të shkuar deri në fund me marrëveshjen e normalizimit apo marrëveshjen finale në mes të dy shteteve. Dhe të gjitha ngjarjet tjera dhe këto tash që lidhen me vendosjen e barrikadave kanë synim parandalimin e arritjes së kësaj marrëveshje që tregon se në momentin kur dialogu është kthyer në binar të diskutimit mbi parimet dhe mbi procesin i cili ka qendër njohjen e ndërsjellë ka filluar rezistenca dhe bojkoti i dukshëm për të gjithë nga ana e Serbisë”, ka deklaruar ajo.
Po ashtu, Kusari-Lila tha se barrikadat duhet të hiqen sa më parë sepse sipas saj, një situatë e tillë nuk i konvenon askujt përveç atyre që duan destabilitet në Kosovë.
“Kjo është një ngjarje në vazhdim dhe janë organet kompetente që merren me të. Duhet një kujdes i shtuar dhe i veçantë për faktin se ngjarjet që po ndodhin në katër Komunat në veri të Kosovës janë ato të cilat po provokohen drejtpërdrejt nga Serbia për një destabilitet për të humbur fokusin nga ajo përgjegjësi e cila tashmë është e Aleksandar Vuqiqit dhe qeverisë në Serbi. Nënkuptohet se ato duhet të hiqen sa më parë. Tashmë është pakontestueshëm qëndrim edhe i Bashkësisë Ndërkombëtare në Kosovë dhe jashtë Kosovës, por që situatë e tillë nuk i konvenon askujt përveç atyre që dëshirojnë destabilitet në Kosovë”, përfundoi shefja e GP të LVV-së, Mimoza Kusari-Lila. /Teve1.info/
