Sipas PK-së, ata dyshohen për veprën penale “lëshimi i çeqeve pa mbulesë ose të rremë dhe keqpërdorimi i kartelave të bankës apo të kreditit”.
“Policia ka kryer kontrolle në katër lokacione në rajonin e Mitrovicës së Jugut, ku janë gjetur e sekuestruar disa prova materiale të cilat do të përdorën në procedurë të mëtejme. Gjatë operacionit policor janë arrestuar katër të dyshuar: E.S., (viti i lindjes 2000, mashkull kosovar), I.P., (viti i lindjes 2002, mashkull kosovar), A.S., (viti i lindjes 2001, mashkull kosovar) dhe E.S., (viti i lindjes 2002, mashkull kosovar)”, thuhet në njoftim.
Dyshohet se të arrestuarit, sipas Policisë, kanë keqpërdorur kartela bankare, duke siguruar në mënyrë të paligjshme të dhëna të kartelave bankare, ndërsa kartelat pastaj i kanë përdorur për blerje të mallrave të ndryshme.
Nga Policia kanë bërë të ditur se të dyshuarit janë dërguar në mbajtje për 48 orë. /Teve1.info/