PSG dhe Leo Messi kanë zhvilluar bisedime për rreth katër muaj për rinovimin me yllin argjentinas, siç raportohet nga MARCA para disa muajve. Të dyja palët arritën një marrëveshje parimore në fillim të Kupës së Botës, në fillim të dhjetorit.
Enturazhi i Leo Messit dhe babai i tij Jorge kanë zhvilluar bisedime muajt e fundit me Luis Campos dhe Al-Khelaïfi . Le Parisien bën të ditur këtë të mërkurë se ‘lojtari më i kompletuar i historisë së futbollit’ do të vazhdojë kontratën me skuadrën pariziene.
Mbetet të përcaktohen vitet e kontratës dhe gjithashtu paga, diçka që do të bëhet pasi të ulen për të negociuar kur Leo të kthehet nga pushimet e Krishtlindjeve.
Ajo që bënë të dyja palët në fillim të këtij muaji ishte të shprehnin në mënyrë të përbashkët vullnetin për të vazhduar së bashku. Pavarësisht thashethemeve që kanë ndodhur javët e fundit për rikthimin e Messit në Barcelonë, realiteti është se PSG është e vetmja skuadër që ka përgatitur një ofertë të fortë , që tashmë është hartuar plotësisht dhe gati për t’ia treguar Messit dhe se do ta bëjë këtë në të ardhmen javë.
Messi ishte një nga lojtarët kyq për triumfin e 3-të të Argjentinës si kampione Bote, ku jashtëtokësori realizoi 7 gola.
Këtë vit Messi ka realizuar 7 gola dhe 10 assistime në Ligue One.
