Por që sipas tij, pavarësisht kësaj të gjtha të mirat që u arritën gjatë qeverisjes së LDK-së u injoruan nga Vetëvendosja e cila erdhi në pushtet.
“Lam 1500 specialistë të rinj, 161 specialistë të papunë që i punësuam, lam shtesa për mjekët prej 250 deri në 300 euro për infermierë dhe staf mbështetës dhe e lam një dinamikë të punës aktive sikurse në legjislacion ishte i gatshëm Ligji për shëndetësi, Ligji për sigurime shëndetësore, Ligji për infrastrukturën që ka të bëjë me parandalimin e sëmundjeve ngjitëse, por edhe shumë udhërrëfyes klinik të cilët deri atëherë vetëm i kishin mbetur nëpër sirtaret e Ministrisë së Shëndetësisë. Dhe të githa këto jo që u injoruan por tentuan edhe të baltosen se kanë ndodhur pa planfikim”, tha ai.
Tutje ai në emisionin “Info Nata”, theksoi se gjatë qeverisjes së Lëvizjes Vetëvendosje ka licencim të spitaleve private dhe dobësim të institucioneve publike shëndetësore.
“Gjatë qeverisjes së Vetëvendosjes ka licencim dhe fuqizim të spitaleve private dhe ka dobësim të institucioneve tona publike shëndetësore, mos të them edhe injorim dhe kjo po ndodhë para gjithë syve tonë dhe parlamentit edhe subjekteve parlamentare edhe të kryeministrit Kurti”, shtoi ai./teve1.info./
