"Pleshti" njeriu i rekordeve, fotoja me Kupën e Botës thyen numrin e pëlqimeve te Ronaldos në Instagram

“Pleshti” definitivisht është njeriu i rekordeve. Lionel Messi theu edhe një tjetër rekord, por jo në fushë, këtë herë sa i përket aktivitetit në rrjetet sociale.

Postimi i tij i fundit me trofenë e kampionit në duar ka marrë thuajse 43 milionë “like” (mbi 1.2 milionë komente), duke lënë pas pikërisht foton e postuar nga Ronaldo, për ironi të fatit duke luajtur shah me Pleshtin (foto e realizuar nga Annie Leibovitz).

Në fakt, fotoja e shahut ishte postuar në profilet e të dyve, por nëse tek Messi kishte marrë 32 milionë “like”, te CR7 kishte arritur në 42 milionë. Mirëpo kjo e Messit me Kupën e Botës deri tani ka shkuar rreth 43 milionë “like”.