Dizajni është i veçantë.
Në këtë formë dizajneri grafik në Tëvë1, Avni Gashi, po bën thirrje për bojkotim të produkteve serbe.
E ky dizajn është shpërndarë nëpër të gjitha rrjetet sociale.
Kurse interesimi për bojkot po vërehet edhe në grupin ‘’mos bli prodhime serbe’’.
“Pas situatës në veri ka pas një shtim jashtëzakonisht të madh të anëtarëve të grupit ‘’mos bli prodhime serbe’’ dhe në bazë të qëllimeve që ne i kemi, për një javë janë shtuar 5 mijë anëtarë, kështu që kemi mbërri në numrin mbi 70 mijë anëtarë. Normal që këto ngjarje kur po ndodhin po vetëdijesohet qytetari, kur po e shohin se me të vërtetë duhet që të bëhet çmos që të mos fuqizohet ekonomikisht Serbia, që t’mos na ngacmon vazhdimisht dhe t’mos na kërcënon me luftë të re. Vetëdijesimi i qytetarëve ka arrit në nivel shumë të lartë”, ka thënë Piraj.
Por, në këtë drejtim po kërkohen edhe hapa institucional.
“Paradoksi më i madh dhe vërejtja më e madhe shkon për qeverinë aktuale sepse gjithë kauzën e ka bërë duke i rrëzuar thjesht maunet e bizneseve të cilat kanë importuar më herët nga Serbia, poashtu i ka akuzuar të gjitha qeveritë e kaluara që nuk po bëjnë diçka më shumë, ndërsa sot kur flasim e kemi importin më të lartë”, thotë ekonomisti Mustafë Kadrijaj.
Ndërsa ekonomisti Jakup Bellaqa kërkon krijimin e një tregu kombëtar me Shqipërinë.
“Është shqetësuese që Serbia dominon për vendin e parë për import. Derisa nuk ka marrëveshje finale, kisha sugjeru që importi të orientohet ka Shqipëria, dmth ta krijojmë një treg kombëtar”, thotë ai.
Sipas Agjencisë së Statistikave të Kosovës, krahasuar me vitin që lamë pas, vendi pati rritje në import prej 17.5%.
Ndërkaq ngritje më të mëdha sipas sektorëve ishin tek produktet minerale, artikujt e gurit, produktet e qeramikës dhe të qelqit, vajrat ushqyese, druri dhe artikujt e tij.
Kronika e realizuar nga Albiona Hajdari
