Përmes një postimi në Facebook, Hoti ka thënë se Ligji i pagave i përcakton të ardhurat e rreth 400 mijë qytetarëve të Kosovës dhe ka shtuar se po shqyrtohen pa diskutimet e nevojshme me ata që ndikohen nga ky dokument.
“Nuk është e mjaftueshme që këto dy ligje të jenë në përputhje me kushtetutën. Ato duhet të jenë në përputhje me parimet elementare të të drejtave të të punësuarve në sektorin publik, si dhe të dakorduara në parim me sindikatat që i përfaqësojnë ata të punësuar.
Koha e mjaftueshme dhe e arsyeshme për diskutim publik të projektligjeve që shqyrtohen në Kuvend është parim elementar në demokracitë funksionale.
Vetëm qeveritë autoritare miratojnë ligje pa dhënë mundësi që të shprehen atyre që ndikohen nga ato ligje”, ka shkruar Hoti.
