Këtë deklaratë, Hyseni e bëri në emisionin “Këndi i Debatit” në tëvë1 teksa tha se Qeveria e Kosovës nuk do të duhej të zbatonte asnjë marrëveshje paraprake.
“E kam thënë edhe në librin tim, e kam thënë edhe në të gritha qendrat gjatë kohës që unë i kam udhëhequr bisedimet që nuk do të ketë zbatim të asnjë marrëveshje pa marrëveshje të përgjithshme. Ato mund të bëhen vetëm elemente të marrëveshjes së përgjithshme dhe duhet të zbatohen vetëm pas nënshkrimit…Qeveria e Kosovës në asnjë mënyrë nuk do të duhej të zbatonte asnjë marrëveshje paraprake”, tha ai.
Tutje Hyseni tha se marrëveshjet e veçanta parciale, vështirë zbatohet pa një marrëveshje të përgjithshme teksa tha se shpallja e zgjedhjeve në veri dhe shtyerja e tyre sipas Hysenit kanë dëshmuar sa e pamundshme është të zbatohet një marrëveshje parciale në një ambient ku nuk ka një marrëveshje përgjithshme.
“Marrëveshja për targat, vendimi minor, amatoresk për ndërrimin e targave dhe tërheqja pastaj edhe më amatoreske dhe shpallja e zgjedhjeve në kohën kur unë besoj që do ta ketë ditë secili njeri në Kosovës që me politikë merret veç si turist që nuk ka kushte për mbajtjen e zgjedhjeve në veri dhe shpallja e tyre dhe pastaj shtyrja e tyre kanë qenë dy gafe të rënda, dy gabime të rënda taktike, strategjike por në të vyejtën kohë kanë dëshmuar sa e pamundshme është të zbatosh marrëveshje parciale në një ambient ku nuk ka një marrëveshje kornizë, të përgjithshme sepse ajo i zgjidh me automatizëm të gjitha”, deklaroi ai./Tevfe1.info/
