Këtë vendim të Kuvendit e ka përshëndetur Asociacioni i Komunave të Kosovës.
Kryetari i Asociacionit, Sazan Ibrahimi, tha se po të miratohej kjo pikë, komunat do të humbnin dhjetëra miliona euro nga buxheti i planifikuar.
“Pas lobimit të Asociacionit të Komunave të Kosovës, Parlamenti i Republikës së Kosovës sapo tërhoqi pikën 6 të nenit 9 ku ishte i paraparë marrja e të hyrave vetanake të pashpenzuara të komunave nga vitet paraprake. Po të miratohej kjo pikë e këtij neni, komunat do të humbisnin me dhjetëra miliona euro të parapara për investime kapitale të cilat do të ndikonin në përmasimin e jetës së qytetarit. Gjithashtu, po të miratohej kjo pikë e këtij neni, atëherë do shkelej Ligji për Menaxhimin e Financave Publike, ai për financa lokale por edhe Karta Evropiane për Vetëqeverisje Lokale. Urime komunave të Republikës së Kosovës”, ka deklaruar Ibrahimi.
Gashi ka propozuar amendament që të hiqet fjalia” Të gjitha të hyrat vetanke të mbledhur para vitit fiskal 2022 dhe të pashpenzuara bëhen pjesë e fondit kosovar në bilancin bankar”.
Ai në seancën e Kuvendit ku po diskutohet në shqyrtim të dytë Ligji për Buxhetin, ka thënë se marrja e të hyrave vetanake të komunave është në kundërshtim Kushtetutën dhe Ligjin për Qeverisje Lokale.
Propozimi i Gashit u miratua me 94 votuar pro, një deputet ka abstenuar./teve1.info/
