Murati përmes një postimi në Facebook, tha se nga ky muaj e deri më 15 prill bizneset që hapin vende të reja pune për vajza e gra do të mbështeten me deri në 50% të pagës për tre muajt e parë.
“Pas suksesit të jashtëzakonshëm të masës 1.3 gjatë vitit që po lëmë pas, ku u punësuan afër 5 mijë vajza dhe gra, kemi vendosur që të rihapim këtë masë edhe njëherë. Pra, nisur nga ky muaj e deri më 15 prill, bizneset që hapin vende të reja pune për vajza e gra do të mbështeten me deri në 50% të pagës për 3 muajt e parë, sipas kushteve dhe kritereve të përcaktuara me vendim”, thuhet në njoftim.
Sipas Muratit, kusht për kualifikim është që personi që punësohet si biznes të mos ketë qenë në marrëdhënie pune më herët.
“Kusht për kualifikim është që personi që punësoni ju si biznes, të mos ketë qenë në marrëdhënie pune më herët”, tha ai. /Teve1.info/
