Bashkësia ndërkombëtare këto ditë po i bënë thirrje të qarta Serbisë, për ndalje të tensioneve dhe mos provokim të situatës.
Por, pavarësisht kërkesave perëndimore, Serbia nuk ka marrë as edhe një veprim në sh-tensionimin e situatës. Madje, të hënën në mbrëmje në Beograd u organizua një protestë në përkrahje të barrikadave që serbët kanë vendosur në Kosovë.
Në vazhdimësi është thënë se veprimet destabilizuese të Serbisë në rajon, po mundësohen për shkak të qasjes shumë të butë, që BE ka ndaj autoriteteve të Beogradit.
Eksperti i sigurisë, Agim Musliu thotë se BE duhet të jetë më e prerë me Serbinë dhe ta sanksionoj njëlloj si Rusinë.
Ndërsa, Belgëzim Kamberi nga Instituti për Politika Sociale thotë se BE ka disa mekanizma për ta frenuar qasjen destabilizuese të Serbisë.
Në këto kohë të tensioneve janë shtuar edhe vizitat e emisarëve ndërkombëtarë, në Kosovë e Serbi.
Kronika e gazetarit Valmir Gallopeni.
