Deputetja Mirlinda Sadiku e cila bëri përmbledhjen e raportit të auditori tha se të gjeturat e këtij raporti janë shumë shqetësuese.
Ajo tha se nga operimi pa leje i disa hidrocentraleve është rrezikuar mjedisi dhe ujërat.“Të gjeturat janë shumë shqetësuese. Ky raport është bërë për dhënien e licencave për hidrocentralet. Lejet mjedisore për ndërtimin e hidrocentraleve nga 17 hidrocentrale të lëshuara, 13 kanë filluar operimin pa leje mjedisore, dhe për pasoj është rrezikuar mjedisi dhe ujërat”, tha Sadiku.
Sipas saj, Ministria e Mjedisit ka lejuar ndërtimin e hidrocentraleve në vendet e mbrojtura.
“As një nga kushtet e ndërtimit nuk është respektuar lagësia që duhet të ketë ndërtimi i hidrocentraleve nga lumenjtë”, tha ajo.
Ministri i MMPHI-së Liburn Aliu, tha se kjo ministri ka pranuara rekomandimet e Auditorit dhe se kanë filluar që t’i zbatojnë ato.
“Gjetjet edhe rekomandimet i kemi marr seriozisht dhe pajtohemi me rekomandimet dhe jemi në planë të zbatimit. Kjo është shqetësuese, Kosova ka kapacitete të limituara të ujit dhe në këtë këndvështrim duhet të jemi të kujdesshëm në lëshimin e lejeve për hidrocentrale. Hidrocentrali duhet të ketë leje ujore, leje ndërtimore”, tha ai.
Aliu tha se për 15 hidrocentrale është lëshuar ndalimi i funksionimit të tyre nga raporti i Inspektoratit, e po ashtu disave hidrocentraleve i është ndaluar operimi edhe me vendim të Gjykatës.
Ministrja e Ekonomisë Artane Rizvanolli, tha se strategjia e re parasheh që të ketë 1100 megavat të energjisë së ripërtërishme.
Sipas saj, kapacitet e reja që do të ndërtohen në të ardhmen nuk do të kenë ndikim në mjedis.
“Dua të theksoj se në strategjinë e re parashihen 1100 megavat të energjisë së ripërtërishme. Kemi një maste plan për ujërat, për ndërtimin e hidrocentraleve që nuk kanë ndikim ne mjedise sigurisht këtë e parashohim për të ardhmen” tha Rizvanolli.
“Brenda këtij 10 vjeçari nuk jemi në rrezik, ku mund të ndërtohen këto pa ndikim ne mjedis. Jemi të përkushtuar që në njërën anë të mbrojmë ambientin dhe të lëshojmë leje sa më të lehta dhe sa më të shpejt për ato vende ku nuk ka ndikim në mjedis”, tha ajo.
Kryetari i Mitrovicës, Bedri Hamza tha se duhet të jenë me efikas në trajtimin e operatorëve ekonomik.
“E kemi pranuar raportin shihet qarët që duhet të ketë një koordinim më të mirë me qëllim që të kemi rend në këtë fushë. Kemi raste të atyre që nuk kanë pasur leje. Në komunën e Mitrovicës janë të pajisura me kapacitete të 9 megavateve. Ne duhet të jemi efikas në trajtimin e operatorëve ekonomik”, tha ai./EO/