Qytetarët thonë se kjo familje është unike në gjithë botën, ndërkohë që apelojnë te institucionet që të punojmë për të mos ndodhur një Prekaz i dytë.
Bekir Begu tha që duhet të mburremi për këtë familje që ka pas populli shqiptar.
“Kjo është familje elemblematike në të gjitha trojet shqiptare, d.m.th. është unik në gjithë botën. Ka plotë që janë legjendar me nga një person, por këta janë legjendar e gjithë familja, prandaj ne duhet mburremi për këtë familje qe ka pas popullo shqiptar, dhe do të përulemi përjetësisht kësaj familje”, tha Begu.
Ndërkaq një tjetër vizitor Zejnullah Frokshi tha që ndihemi krenar sepse fal tyre sot gëzojmë lirinë.
“Kjo ditë është për ne e dhimbjes dhe njëkohësisht edhe krenarisë. E dhimbjes është për shkak se kanë humbur familja Jashari, e kanë humbur komandantin legjendar, ndërsa krenar ndihemi sepse fal gjakut tyre sot e gëzojmë lirinë”, tha ai.
Frrok Abdimehmeti, i cili ka ardhur nga Shqipëria në nderim të të rëndëve në Prekaz, tha se ka ardhur vetëm për t’i kujtuar heronjtë që kanë qenë çlirimi i Kosovës.
“E kujtojmë këtë ditë, çdo vit të vitit, vimë nga Shqipëria për t’i kujtuar këta heronjtë që kanë qenë çlirimi i Kosovës, dhe për ne është diçka shumë e mirë, për të menduar për të ardhmen. Dhe i bëjë thirrje të gjithëve, edhe politikes shqiptare dhe të Kosovës që duhet të mobilizohemi shpejtë, për të marrë në rezervat, për t’u parapërgatitur për luftë sepse nuk dihet se çfarë mund të ndodhë me Kosovën prapë. Mos të ndodhin prapë Prekaz të dytë, të ngelemi me një, duhet marrë masat dhe sigurohemi”, tha ai.
Bajram Blakaj tha që çdo vit e viziton Prekazin, ku merr energji të re teksa e viziton këtë vend.
“Vijë këtu me marrë energji të reja çdo vit. Adem Jashari dhe familja e tij dhe i gjithë ky fshat, janë për meke të shqiptareve, të cilën s’do ta harrojmë askush. Këtu buron themeli i shtetit, këtu buron themelimi i UÇK-së që është bazë e çdo shteti në botë. Nuk ka shtet pa ushtri, andaj këtu vizitojmë rregullisht, ndihemi mirë rregullisht kur vizitojmë, marrim energji të reja. Vizitojmë varrezat, shtëpitë, muzeun e të gjitha këto”, tha ai.
Kujtojmë që sot shënohet 24 vjetori i Epopesë të Ushtrisë Çlirimtare të Kosovës, ku agresioni ushtarak Jugosllav vrau mbi 50 anëtar të familjes Jashari.
