Nipi i heroit të Agim Ramadanit, Muhamet Ajrullahu në nder të Brigadës 138 të ZO të Dukagjinit, do të dhurojë donacion 138 mijë euro për Fondin e Sigurisë, shkruan teve1.info
Lajmin e ka bërë të ditur, kryetari i Aleancës për Ardhmërinë e Kosovës, Ramush Haradinaj. Madje ai i ka ftuar të gjithë për ta ndjekur këtë shembull.
Haradinaj u ka bërë thirrje edhe bashkëkombësve kudo që jetojnë, që të kontribojnë për Fondin e Sigurisë, pasi që sipas tij kjo është mënyra më e mirë dhe më fisnike për ta ndihmuar Atdheun dhe për të siguruar të ardhmen e fëmijëve.
