Gjatë fjalimit të tij në Kuvend, Aliu tha se disa projekte që ishin përgjegjësi e Komunave veriore kanë ngec, andaj shtoi se i ka marrë ëprsipër niveli qendror.
“Projektet në pjesën veriore të vendit janë një prioritet i joni, e kanë zënë vendin e shumë punëve ndonëse e kemi mendu idenë që kjo të bëhet përmes një memorandumi me komunën e Mitrovicës e i cili ka ngec dhe pastaj ne kemi marrë si ministri këtë çështje. Të gjitha këto rrugë do të asfaltohen, një pjesë janë në përfundim e sipër, jam interesuar për pjesën e Dedisë i cili është më pak se 1 km dhe segmentin e rrugës që e kanë ngushtu, janë pjesë e këtyre punimeve që do të realizohen shumë shpejt. Çka munnd ta ndal këtë është vetëm prishja e motit”, tha Aliu.
Ky i fundit u kritikua nga deputetja e PDK-së, Ganimete Musliu e cila tha se fillimisht Aliu i kritikoi Komunat për moskryerje të punëve, pastaj tha se nuk kanë pasur mundësi t’i përfundojnë projektet e parapara.