Në diskutimin publik të Projektligjit për Liritë Fetare, Konjufca tha se kjo e drejtë është kodifikuar parmes Kushtetutës së Kosovës dhe Ligjit për Liritë Fetare.
“Për shkak të kësaj mangësie në legjislacionin tonë deri tash ka munguar zotësia juridike e bashkësive fetarë për t’i ushtruar disa të drejta të tyre fundamentale të tyre që janë edhe si standarde fetare. Aty ku garantohet liria fetare këto lidhen me statusin juridik me vetentitetin, pra të vet bashkësisë fetare e cila duhet ta ketë të drejtën e zotërimit juridik të pronës, të marrjes me qira të pronës, mbajtjes së llogarisë zyrtare bankare, punësimin e sigurimin e punëtorëve, sigurimin tyre, anëtarëve dhe pasurisë së tyre por edhe të drejtën e bashkësive fetare për të themeluar institucione të ndryshme”, tha Konjufca.
Sipas tij, Kosova është shembulli më i mirë derisa shtoi se është dëshmitar që ka qenë urë lidhëse në mes të diversiteteve fetare dhe asnjëherë nuk ka pas konflikte të karakterit fetar në Kosovë.
“Ky është shembull i mirë dhe për tu globalizuar, aq shumë i nevojshëm në ditët e sotme kur shohim gjithandej konflikte fetare, jo për shkak që janë konflikte fetë, por për shkak të keqpërdorimit të personave me bindje ekstremiste. Është me rëndësi të bëhet meqë ajo çka ka munguar deri tash për bashkësitë fetare është personaliteti i tyre juridik, pra ky është thelbi i projektligjit për shkak të kësaj”, tha Konjufca.
Konjufca tha se të drejtat e religjionit janë të garantuara edhe me të drejta dhe standarde ndërkombëtare por edhe përmes kushtetutave dhe ligjeve të veçanta të shteteve ku praktikohen besimet fetare.