Liudmila Biloshysta e cila e quan veten “fëmijë dhe gjyshe të luftës”, për shkak të lindjes së saj gjatë Luftës së Dytë Botërore, thotë se po largohet nga Khersoni me bashkëshortin e saj pasi janë shumë të frikësuar nga bombardimet ruse.
“Bombardimet ishin aq masive, saqë shtëpia jonë filloi të dridhej. Kjo është arsyeja pse ne duhet të largohemi. Ato bombardime më frikësojnë shumë. Unë kam qenë një fëmijë i luftës dhe tani jam një gjyshe në kohë lufte”, thotë ajo, shkruan AP.
E bashkëshorti i Liudmiles, i cili po ashtu është i lumtur që po largohet nga Khersoni dhe do të bashkohet me fëmijët në Kiev thotë se po ikin për të shpëtuar jetën e tyre.
“Rusët po na bombardojnë dhe po premtojnë se do të na e bëjnë edhe më të vështirë jetën. Kështu që ne e dimë se nëse do të qëndronim do të vriteshim. Ne nuk duam të lëndohemi dhe të bëhemi të paaftë”, thotë Victor Biloshystyi
Ukraina është përballur me sulme të ashpra të zjarrit të artilerisë ruse dhe sulmeve me dronë që nga fillimi i tetorit.
Granatimet kanë qenë veçanërisht intensive në Kherson që kur forcat ruse u tërhoqën dhe ushtria e Ukrainës rimori qytetin jugor pothuajse tre javë më parë.
Zyra presidenciale e Ukrainës tha të enjten se të paktën dy civilë u vranë dhe gjashtë të tjerë u plagosën në mbarë vendin nga bombardimet e fundit ruse./Tëvë1/