Sipas Demhasajt, nëse kjo do të ndodhte atëherë do të ishte një lloj treguesi që Kurti do ta vuloste se raportet e tij me BE-në janë më të konsuliduara sesa me zyrtarë të ShBA-së.
“Nëse tash e shtynë këtë vendim prej presioneve që vijnë nga Brukseli, pra nga Borrell dhe Lajçak e nuk e ke shty vendimin kur të kanë kërku partnerët më të fuqishëm që i ka Kosova që është Uashingtoni, atëherë kjo është mjaft problematike. Me këtë me njëfarë mënyre Kurti e vulos atë që në publik ekziton që në njërafë mënyre raportet e kryeministrit Kurtit kanë qenë shumë më të konsuliduara me Bashkimin Evropian, me disa zyrtarë se sidomos me Borell dhe Lajçak sesa që kanë qenë me zyrtarë që vijnë nga Uashingtoni që ndërlidhen me çështjen e Kosovës“, shtoi ai në emisionin “Këndi i Debatit”.
Ndryshe sot përmes një postimi në Twitter, emisari i Bashkimit Evropian për dialogun Kosovë – Serbi, Miroslav Lajçak u shpreh se është urgjente që të gjendet një zgjidhje për targat në mënyrë që të garantohet siguria dhe stabiliteti./teve1.info./
