Një tjetër emër i rëndësishëm i sportit i bashkohet ekipit të Tëvë 1 në emisionin VAR Sports Show gjatë Kampionatit Botëror ‘Katari 2022’.
Ai është Mentor Ajeti, referi i mirënjohur në Superligën e Kosovës në futboll. Ajeti do t’i ndihmojë ekipit të VAR Sports Show të analizojë rastet diskutabile gjatë botërorit.
Gjyqtari kosovar ka debutuar në Superligë në derbin, Drita – Ballkani.
Në këtë gjysmësezon, Mentor Ajeti ka gjykuar në tetë ndeshje të Superligës së Kosovës në futboll. Njihet si gjyqtar mjaftë autoritativ në ndarjen e drejtësisë, dhe gjatë këtij edicioni sipas statistikave të ‘Transfermarkt’ ka dhënë 40 kartonë të verdhë dhe një të kuq direkt.
Kampionati Botëror nis nga e diela me ndeshjen Katari – Ekuadori. Kurse do ta kemi një muaj tejet të ngjeshur dhe interesant në televizionin Tëvë 1 me programin e sportit VAR Sports Show.
