Analisti i mirënjohur i futbollit, Visar Zogiani, do të jetë pjesë e emisionit “VAR SPORTS SHOW”, gjatë muajit të kampionatit botëror në Tëvë1.
Zogiani në karrierën e tij mjaft të bujshme ka luajtur si mesfushor i avansuar dhe shumë njerëz kanë pasur dëshirë ta shohin elegancën e tij në fushën e blertë.
Ai ka qenë pjesë e klubeve elitare të Superligës së Kosovës si Prishtina, Hysi, Hajvalia e Llapi, duke lënë shenja edhe tek skuadra e Dardanës, për të përfunduar më pas rrugëtimin e tij si futbollist tek Shkëndija e Hajvalisë.
Ish-mesfushori përveç në Kosovë ka bërë karrierë edhe jashtë vendit, në shtetin e Francës dhe ka një paraqitje në Kupë duke regjistruar edhe një asistim.
Kupa e Botës do të mbahet për herë të parë gjatë stinës së dimrit dhe do të fillojë më 20 nëntor me ndeshjen e parë Katari – Ekuadori.
Çdo natë
gjatë Kampionatit Botëror
do të jemi bashkë në Tëvë1
me shumë befasi.
